Transcription
1
Monsieur, combien que vous pourrez avoir entendu par le bruict qui court la
2
sepparation de larmée de la Ligue et que le sieur Dom Jehan d’Austriche sen est
3
retourné avec son armée à Messine et offert aux Vénitiens trente gallaires
4
et six mil soldatz pour aller en Levant au cas quilz vueillent là faire leur
5
desseing, ne sachant bonnement dicerner ne comprendre celluy que pourra
6
prendre ledit d’Austriche ; oultre, voiant que le roy d’Espaigne faict passer
7
en la Lombardie la cavallerie de Naples et autres preparatifz de
8
guerre, ce mot de lettre nest à aultre fin que vous confirmer sur ce les
9
advis que jen ay euz, suyvant lesquelz je delibère me tenir sur mes
10
gardes ; et en ayant autres, je vous en despartiray et actendant men veoys recommander
11
très affectueusement à votre bonne grâce, en suppliant le Createur vous donner
12
Monsieur, en très bonne santé, longue et contente vie. A Marseille, le
13
XVIIe juillet 1572
14
Votre plus affectionné et obeissant
15
amy
16
Tande